古今二 (荃新天地)

营业中

休息中

今次去嘅古今二位于荃新天地，望住广阔中庭景，非常舒适开扬。龙卷风沙律（$76）个人必点之选，份量多之余，每样配料都好新鲜，爽口蔬菜加上咸鲜海藻、蟹柳同脆片，清新开胃，朋友都赞不绝口！彩虹卷（$116）造型好靓色彩缤纷，卷物上面用咗三款刺身，内馅系牛油果、青瓜同蟹柳，食落比较鲜美清爽。火山（$128）古今二名物之一，睇得又食得，想影靓相记得拎定电话standby，店员等客人准备好就会系长碟两边点火，非常适合打卡！青瓜垫底，上面有一座寿司饭山，再铺满蟹柳丝加上惹味特制沙律酱同蟹籽，整体口感同味道都唔错！古今日式煎饺（$56）外皮煎到几香脆，肉馅多汁，不过饺子皮比较厚身，如果更薄口感应该更佳。