Layback Cafe & Bar

营业中

休息中

香港人生活节奏急速，有时真系需要慢慢休息，周末收工后同朋友去咗铜锣湾一间餐厅食饭。餐厅有好多打卡位，而且仲可以带宠物，感觉好relax……明太子薯条薯条炸得外脆内软，配埋明太子酱食好好味，真系食到停唔到口。西班牙火腿水牛芝士薄饼西班牙火腿好大片，舖满成个pizza,芝士焗得金黄，熔咗喺表面，薄饼厚度算适中，食落唔会好heavy。北海道海胆帆立贝幼蛋面帆立贝煎得几好，海胆都新鲜，幼蛋面份量比想像中多，值得一提嘅系酱汁都有浓浓嘅海胆味。开心果巴斯克芝士蛋糕蛋糕表面有开心果碎，蛋糕芝士味好浓，巴斯克嘅质感做得好好，开心果味反而唔算好突出。Signature Deluxe Chocolate Smoothie 饮品唔算好甜，但有香浓朱古力味，面头有新鲜嘅士多啤梨，饮落好fresh。柠檬姜蜜糖伯爵茶伯爵茶清清地，配埋姜蜜，朋友话佢好钟意。餐厅有好多打卡位，食物亦唔错，好适合大家同朋友一齐去chill。