允升甜品

营业中

休息中

趁秋意凉凉地，同男友长洲出走一下，疫情港人未能外游，果然迫到离岛人山人海。食完辣辣鱼蛋后，想食碗糖水解下辣，我见网上多人推介此店甜品，我地刚好经过就即管试试。店外有很多人聚集，以为要等好耐入座，幸好部份人系等外卖的，入去即有位座。店内好繁忙，舖仔细细食客同店员来来往往，我地快快手点了芒果水晶及芒果糯米滋(紫糯米皮)。芒果水晶 $29有芒果的糖水差极有个谱，有芒果汁、糖水同花奶做底，加了芒果粒及水晶蒟蒻之类，水晶Q阵凉透心，味道正正常常。芒果糯米滋(紫糯米皮) $15芒果糯米滋食得多，见有紫糯米皮又好似几特别咁，一切开糯米滋就见到紫色嘅皮，包住大大块香甜嘅芒果，糯米皮比想像中烟韧，味道同正常糯米滋无太大分别。店内设有最低消费每位$15，想二人分享一碗糖水，就只好外卖吧。