影片
更多
2024-01-08
170 浏览
今晚约左朋友放工去聚吓，一齐去试吓呢间串烧，系一间位于荃湾联仁街的地铺，位置十分方便，系正大路旁边，由荃湾西铁站慢慢行过去都系15分钟左右，而且佢仲开到凌晨12点，可以坐耐啲都唔怕阻人收工。 入到里面，整体空间感几好，座位之间唔太迫，楼底几高，墙身贴左好多有日本特式的海报同放左好多唔同颜色的酒樽，有一种去朋友家中饮酒聚旧的感觉，整体感觉都几放松。我和朋友坐系餐厅中间的位置，佢啲座位都坐得几舒服。 餐厅仲有播英文歌，好开心可以一边听歌一边吹水，环境好舒服好放松。 之前上网睇过呢间野系出名做串烧同盐烧野。佢晚市食物好多选择，包括串烧、乌冬、烧物等等。因为当日天气比较凉所以想食啲热野咁，我同朋友叫左以下啲野： 盐烧手羽一上枱就感觉到佢热辣辣又够香。手羽烧到有微焦可以锁住水份之余调味够浓，唔洗额外点汁就已经够味。 盐烧五花腩入口唔会太过咸而重要的是没有雪味同死咸味，肉质唔会实的的，呢啲系最基本但系反而无乜舖头做到。 蒜蓉烧生蚝及蛋黄酱焗蚝只蚝好有肉而且咬落个心度唔腥，够新鲜，蒜蓉同蛋黄酱嘅加成都令到蚝本身的鲜味提升至另一层次。 烧扇贝扇贝表面焦香，满口鲜味，底部更以海盐衬托，扇贝鲜味加上海盐，
入到里面，整体空间感几好，座位之间唔太迫，楼底几高，墙身贴左好多有日本特式的海报同放左好多唔同颜色的酒樽，有一种去朋友家中饮酒聚旧的感觉，整体感觉都几放松。我和朋友坐系餐厅中间的位置，佢啲座位都坐得几舒服。
餐厅仲有播英文歌，好开心可以一边听歌一边吹水，环境好舒服好放松。
之前上网睇过呢间野系出名做串烧同盐烧野。佢晚市食物好多选择，包括串烧、乌冬、烧物等等。因为当日天气比较凉所以想食啲热野咁，我同朋友叫左以下啲野：
盐烧手羽
一上枱就感觉到佢热辣辣又够香。手羽烧到有微焦可以锁住水份之余调味够浓，唔洗额外点汁就已经够味。
盐烧五花腩
入口唔会太过咸而重要的是没有雪味同死咸味，肉质唔会实的的，呢啲系最基本但系反而无乜舖头做到。
蒜蓉烧生蚝及蛋黄酱焗蚝
只蚝好有肉而且咬落个心度唔腥，够新鲜，蒜蓉同蛋黄酱嘅加成都令到蚝本身的鲜味提升至另一层次。
烧扇贝
扇贝表面焦香，满口鲜味，底部更以海盐衬托，扇贝鲜味加上海盐，并带有丝丝焦香，十分滋味。
汁烧牛舌尖
牛舌本身肉味重而且肉质弹牙，加上汁酱令到其味道同口感更上一层楼。
豚肉本菇卷
豚肉本菇卷本身是一道精致的菜品，蔬菜的爽加上猪肉的嫩，味道清爽而鲜。
照烧鸡扒饭
唔叫都唔知其实好抵食，50蚊左右就叫到，大大块鸡扒加埋照烧汁搅到连啲饭都见唔到，面头再配上白色的芝麻令到碗饭更香，十分好味。
吉列猪扒乌冬
汤底清甜，吉列猪扒入口外脆而肉质松化，乌冬弹牙有咬口，整体感觉十分满足。
饮品(热话梅蜜)
朋有叫左一杯暖暖的热话梅蜜，甜中带着话梅的酸，十分夹同好饮，仲可以消吓食左咁多油炸野之后的油腻感。
特别值得一提的是餐厅用的碗并不是普通野，是颜色带有少少淡黄色的黑色手工陶瓷器具，成只碗边构成一个不规则而且有高低起伏形型态，十分有心思。
呢间餐厅仲有好多食物都未试，下次再同朋友去试过其他野先。
张贴
