Hidden Table (已結業)

一向钟意港式街头小食，但一直都冇乜突破，今次嚟到红磡依间小食店，发觉佢将街头小食发挥得淋漓尽致！招牌烧卖餐厅主打烧卖，有蒸有炸，两样都好多口味拣，搞到我都有瞬间选择困难症，所以就决定蒸同炸各一款蒸: 奶油麻辣鱼肉烧卖好有创意同大胆嘅配搭，原来奶油拼麻辣系咁出色，烧卖系啱啱蒸好，热辣辣兼且非常弹口，上边配有大量干红椒丝，脆脆的增加口感。炸: 日式大阪鱼肉烧卖一向都好钟意炸烧卖，个皮好香脆，唔会炸得太干，入边嘅烧卖肉仍然都系弹牙，配上毫不吝啬嘅木鱼同日式烧汁，令我好似食紧好烟靭嘅大阪烧。除咗烧卖，hidden table亦都有小食珍珠鸡令人好惊喜嘅小食！店员先将珍珠鸡蒸熟，点上天妇罗炸粉，再放入油锅炸，令到珍珠鸡唔会太干，而外面少少烧㶶嘅饭焦非常烟靭有弹感！珍珠鸡亦都有配上奶油，并切开四份，细细份可以一口放入口，系好方便嘅珍珠鸡！炸薯条 (霹雳 Peri Peri)薯条非常香脆，有浓浓嘅薯味，配上美式霹雳粉，彷佛好似去咗美国咁，整体不过不失。价钱方便，同区小食嚟讲性价比高，如果想冇咁闷，非常值得一试！店舖亦提供少量堂食位置，备有秘制酱汁，可以趁热食！