麺屋こころ (新城市廣場一期)

营业中

休息中

𠮶日晚上朋友突然放飞机，本来以为我哋要喺新城市广场食晚餐，结果剩低我一个人。冇办法之下只好叫我嘅细佬一齐食晚餐。细佬推荐我哋一齐去食7楼嘅面屋こころ。佢话佢食咗一次之后，已经爱上咗呢度嘅面。就等我嚟试吓有几劲。呢间店嘅装潢确实唔错，日式风格嘅时尚感，店员好有礼貌，环境亦都好舒服。以下系我哋𠮶晚食嘅拉面。⚪️鸡白汤拉面乳白色嘅汤汁，卖相非常好睇，汤味亦都非常香浓，系碗色香味俱全嘅面。叉烧片同鸡肉片嘅混搭，配上其他配料例如紫菜、葱花、竹笋，面条弹牙有嚼劲。确实好好食。🟢正宗全料东京捞面满满配料覆盖咗成碗面，唔单止有溏心蛋，仲有生蛋黄、紫菜、葱花、韭菜、竹笋、紫菜碎、生蒜、鱼粉、鲜嫩嘅猪腩肉同弹牙嚼劲嘅面条，食得好幸福，真系好值得推荐。