影片
更多
2022-03-02
61 浏览
以前我屋企附近有一间Cali-Mex外卖店，所以我一直都知道有呢间连锁店嘅存但系就从来都未试过🤪今次去咗有堂食嘅Cali-mex，地点位于铜锣湾食街，对我嚟讲非常方便！拣铜锣湾店另一原因系想坐室外座位用餐，啱晒而家唔太冻唔太热嘅天气。▫️Sliders - Carnitas Pork (HKD98) - 一客有三个细小嘅面包，中间夹著大量手撕猪肉及椰菜丝，细细件作为前菜就最好不过😋😋▫️Carne Asada Tacos (HKD58) - 食墨西哥菜点都要试吓Tacos，喺咁多款Street Tacos中拣咗以牛肉为主嘅。牛肉虽然切到细细粒，但都食到带有油脂嘅口感。Tacos中嘅墨西哥牛油果感觉清新，可以减少牛油带来嘅油腻感。▫️Tequila USDA Prime Ribeye (HKD318) - 呢份用龙舌兰酒腌制嘅肉眼扒有成10oz㗎！上枱时牛扒已经切开一件件，可以清楚望到肉质非常粉嫩。牛肉入口软腍及带有少少酒香。值得一提嘅系呢一份ribeye配有软烤饼、墨西哥牛油果同埋墨西哥饭，非常重量级！一个人应该食唔晒，好彩我哋系两个人share😆😆▫️Churros (HKD88) - 餐牌
▫️Sliders - Carnitas Pork (HKD98) - 一客有三个细小嘅面包，中间夹著大量手撕猪肉及椰菜丝，细细件作为前菜就最好不过😋😋
▫️Carne Asada Tacos (HKD58) - 食墨西哥菜点都要试吓Tacos，喺咁多款Street Tacos中拣咗以牛肉为主嘅。牛肉虽然切到细细粒，但都食到带有油脂嘅口感。Tacos中嘅墨西哥牛油果感觉清新，可以减少牛油带来嘅油腻感。
▫️Tequila USDA Prime Ribeye (HKD318) - 呢份用龙舌兰酒腌制嘅肉眼扒有成10oz㗎！上枱时牛扒已经切开一件件，可以清楚望到肉质非常粉嫩。牛肉入口软腍及带有少少酒香。值得一提嘅系呢一份ribeye配有软烤饼、墨西哥牛油果同埋墨西哥饭，非常重量级！一个人应该食唔晒，好彩我哋系两个人share😆😆
▫️Churros (HKD88) - 餐牌上三款甜品里面最吸引嘅一定系甜炸油条！一条条长短差唔多、外皮脆脆哋嘅炸油条铺上少量砂糖，最好味嘅食法就系一定要沾上暖暖嘅朱古力酱一齐食呀。
⭐️⭐️凡惠顾Cali-Mex嘅客人(堂食或外卖)，只要同店员讲呢个优惠码「CHURROS999」就可以免费享用一客Churros 㗎啦! 免费请你食Churros呢个优惠适用于所有Cali-Mex分店(金钟店除外)。
原来Cali-Mex推出咗啲新菜式㖞(暂时只有西营盘分店有得食咋)，想试嘅话就要留意喇。店员话其他分店会陆续推出，希望下次我再去帮衬时会有机会试啦😆
张贴
