素心齋

营业中

休息中

小编好钟意食酸甜斋， 发现香港好多嘅斋铺都已经执咗。有时想食下斋卤味都唔知去边度揾好🫠以前细个食一盒斋卤味就当一餐，真系好怀念。以前都好易揾，到而家想食𠮶阵时先发现好多都已经冇做，疫情真系搞到生意难做。喺观塘返工嘅小资生活女，平时食个饭都要$40-$50, 这是常识吧。想再悭俭啲就自己带饭盒，但系边有时间整呀😩透过同事推荐，发现有呢一间小食店。好开心比我发现到有我最爱嘅斋卤味，特别系酸甜斋。我梗系唔会放过啦! 我喺呢一间小食店买咗一盒酸甜斋，味道其实觉得好唔错，唔会太甜太酸，啱啱好，好开胃。心谂：就系呢一种味道啦！令人好怀念！虽然细细盒，但系我觉得份量都好足够我一个人食。一盒都要$17，望落好似唔系好抵咁，但食完之后发现其实啱啱好。俾我揾到已经好开心，觉得好唔错！下次我都一定会再买。