影片
更多
2024-07-19
108 浏览
钟意食车仔面嘅朋友，应该对永年士多唔会陌生，呢晚发现原来佢喺逸东酒店开咗分店，环境比其他分店阔落，于是乎入去食返个车仔面。餐牌选择好多元化，有好几款招牌车仔面套餐，亦有自选三𩠌或以上嘅车仔面/捞面，甚至拣菜底都可以。汤底亦有唔同程度嘅咖喱辣，又或者唔辣。至尊面（$72） - 叫得至尊面，材料真系好丰富，包括有猪红、猪皮、鱼蛋、萝卜、猪肠、鸡翼同猪手。首先要赞下啲𩠌，质素相当好，尤其鱼蛋好弹牙，猪皮同萝卜都焖得好淋好入味。自选三𩠌面（$48 + 萝卜$2 + 牛腩$9） - 自选三个𩠌包括有牛腩、猪皮同萝卜，油面入口唔会太油腻。尤其要赞吓个牛腩好淋好入味，真系冇得输。韭菜花猪红（跟餐+$20）- 猪红份量非常多，入口滑溜爽口，韭菜花味道好清新。卤水鸡翼 （$30）- 鸡翼够晒入味，卤水汁唔会太浓，味道啱啱好。鲜油多士（$18）- 另加$2变成双拼鲜油/班兰咖央多士。多士入口非常香脆，配以厚切嘅牛油同埋班兰咖央酱，味道非常有层次。饮品方面，点咗樽仔奶茶（跟餐+$17）同白桃多多（跟餐+$15）- 樽仔奶茶茶味香浓，入口好滑。另一杯特饮叫白桃多多，充满水果同益力多香味，味道清新可口。餐厅都有
餐牌选择好多元化，有好几款招牌车仔面套餐，亦有自选三𩠌或以上嘅车仔面/捞面，甚至拣菜底都可以。汤底亦有唔同程度嘅咖喱辣，又或者唔辣。
至尊面（$72） - 叫得至尊面，材料真系好丰富，包括有猪红、猪皮、鱼蛋、萝卜、猪肠、鸡翼同猪手。首先要赞下啲𩠌，质素相当好，尤其鱼蛋好弹牙，猪皮同萝卜都焖得好淋好入味。
自选三𩠌面（$48 + 萝卜$2 + 牛腩$9） - 自选三个𩠌包括有牛腩、猪皮同萝卜，油面入口唔会太油腻。尤其要赞吓个牛腩好淋好入味，真系冇得输。
韭菜花猪红（跟餐+$20）- 猪红份量非常多，入口滑溜爽口，韭菜花味道好清新。
卤水鸡翼 （$30）- 鸡翼够晒入味，卤水汁唔会太浓，味道啱啱好。
鲜油多士（$18）- 另加$2变成双拼鲜油/班兰咖央多士。多士入口非常香脆，配以厚切嘅牛油同埋班兰咖央酱，味道非常有层次。
饮品方面，点咗樽仔奶茶（跟餐+$17）同白桃多多（跟餐+$15）- 樽仔奶茶茶味香浓，入口好滑。另一杯特饮叫白桃多多，充满水果同益力多香味，味道清新可口。
餐厅都有唔少打卡位，见佢仲做紧宣传，只要打卡tag返餐厅，就可以得到明信片一张同埋$25现金券。
张贴
