阿霞餛飩

营业中

休息中

其实book mark咗大埔墟𠮶边间铺好耐，但系都系冇事。跟住屋企人话市中心开咗新店，咁就一齐食晚饭。四个人，但系叫咗个五至六人餐都系$319。望住个餐牌就唔系好多款，起初都惊唔够食，但系最后真系爆到要捧住个肚走。落完单之后，隔离枱个饺子同侍应讲等咗45分钟唔要。有少少淆底，见佢清左外卖单同已经过咗人潮，我哋入单嘅时候嘅话都唔算等得耐。先嚟肉饼，比我预期中系薄，佢似印度薄饼面，虽然个馅唔多，但系都好食同埋够肉汁。个韮菜饺煎到超脆，里面就保持肉汁热辣辣超好食。个炒面就有以前细个系屋企食粥，嫲嫲炒油面嘅感觉。汤面嘅话本身有少少保留，但系食完第一啖汤有几得㖞，佢有少少似汤羹嘅感觉，落左元贝仔，个汤劲鲜甜。30粒细云吞，个汤有少少油，但系个紫菜就好好食，唔系得云吞皮，个馅足料。海大冇特别，唔会过咸已经赢咗。屋企人想食小笼包，点知嚟到个小笼包同想像中有出入，实在太饱食咗一个嘅话已经食唔落，因为食得太多碳水化合物。最后终于系蚝饼，劲钟意去台湾嘅做法煎好啰。啲𤐶大大粒超饱满，但个底比较多油，如垫番张纸格格啲油就会好啲。性价比超高，但系唔建议繁忙时间嚟食。