影片
更多
2023-12-01
619 浏览
💋《HeSheEat》，都可谓cafe界的表表者。想当年，大学时期，系港岛区读书📚，铜锣湾第一总店就系「铜锣湾地带」开左楼上铺，好记得当时排队排到出走廊。开头做特色甜品为主🍰，后期再加入咸食主食正式成为咖啡店。之后再慢慢系旺角同荃湾开左分店，港九新界有齐一间分店后，旺角分店再由白布街搬到去现时新波鞋商场「The Forest」地下，熊妹可以话系见证住她的变迁，都可以话系由细睇到佢大😆（唔知丑暴露年龄系列）。📌后期出到黎做野，熊妹多数都系同朋们食旺角分店多，因为地理位置比较方便。当知道旺角分店关闭了，熊妹其实一直念念不忘。最近，竟然俾熊妹发现原来旺角店唔系倒闭，而系转左新址系「The Forest」地下！真系晴天霹雳💥！即刻孖住树熊放工去食个晚餐回味一下😋！📌新店新装修，门面已经系转左新风格，再唔系以前black pink咀唇👄招牌，焕然一新💫，换上cyber路线的型格风，果然新店新作风！📌门口仲放左一个好得意的雪糕形状的灯箱仔🍦，示意有外卖雪糕甜品站，香港地都似系第一间咖啡店做埋外卖雪糕呢盘生意，实行多栖类发展！📌店舖比旧时嚟讲大好多，以啡色同埋木系为主，颜色好柔和好舒
💋《HeSheEat》，都可谓cafe界的表表者。想当年，大学时期，系港岛区读书📚，铜锣湾第一总店就系「铜锣湾地带」开左楼上铺，好记得当时排队排到出走廊。开头做特色甜品为主🍰，后期再加入咸食主食正式成为咖啡店。之后再慢慢系旺角同荃湾开左分店，港九新界有齐一间分店后，旺角分店再由白布街搬到去现时新波鞋商场「The Forest」地下，熊妹可以话系见证住她的变迁，都可以话系由细睇到佢大😆（唔知丑暴露年龄系列）。📌后期出到黎做野，熊妹多数都系同朋们食旺角分店多，因为地理位置比较方便。当知道旺角分店关闭了，熊妹其实一直念念不忘。最近，竟然俾熊妹发现原来旺角店唔系倒闭，而系转左新址系「The Forest」地下！真系晴天霹雳💥！即刻孖住树熊放工去食个晚餐回味一下😋！
📌新店新装修，门面已经系转左新风格，再唔系以前black pink咀唇👄招牌，焕然一新💫，换上cyber路线的型格风，果然新店新作风！📌门口仲放左一个好得意的雪糕形状的灯箱仔🍦，示意有外卖雪糕甜品站，香港地都似系第一间咖啡店做埋外卖雪糕呢盘生意，实行多栖类发展！
📌店舖比旧时嚟讲大好多，以啡色同埋木系为主，颜色好柔和好舒服。以五六个corner位形成嘅大厅，一个个corner位有三张二人枱，又或者合并成为四至六人大枱，成个装潢设计好日系，而且灯光好光猛💡，感觉好醒神。
📌餐牌主食同以前一样，全日早餐🍱、汉堡🍔、意粉🍝、小食🍘都依然存在，招牌甜品当然不在话下。再发现有新推出的精选特饮同牛乳芭菲🍨，一场黎到，真系要试哂去。
单骨鸡翼配蜜糖芥末酱
$65
4 浏览
0 赞好
0 留言
《HeSheEat》的单骨鸡翼系奇脆炸皮，再自己点酱。奇脆炸得好脆好干身，唔会食到成口油，外皮真系好脆，锁住肉汁，单骨鸡翼一口放入口，入口的size岩岩好，再完条单骨吐返出黎，就可以食到成啖鸡翼肉连皮，咁食法比起原只鸡翼咁滋味，而且无咁难咬。
本身就咁食可以当炸鸡翼咁食，再点埋蜜糖芥末酱，甜甜地，加多重酱汁的味道。
安格斯牛肉芝士汉堡配薯条
$132
5 浏览
0 赞好
0 留言
其实一直以来，熊妹都好钟情《HeSheEat》的牛肉汉堡，因为它的芝士好澎湃，今次到来都想怀缅一下。
真系好澎湃！《HeSheEat》系用上热溶芝士🧀铺上牛肉汉堡面，系完全覆盖成块牛肉汉堡，有别于一般汉堡包用上芝士片，热溶芝士份量咁多，车打芝士味道就当然出啲，然后牛肉汉堡厚到度起码有一吋厚，切落去系厚实唔易散，材料十足，可以品尝到咸香芝士溶系牛肉汉堡的味道，呢个就系点解熊妹咁爱《HeSheEat》的牛肉芝士汉堡的原因。
安格斯牛肉芝士汉堡配薯条
$132
1 浏览
0 赞好
0 留言
伴碟有一大堆粗身薯条🍟，呢款薯条系洒上调味粉后先一齐炸，食落再脆口啲，再滋味啲。
另外，仲有一堆沙律菜🥗中和返油腻，成个餐好完🈵。
蟹肉 · 辣肉肠蕃茄水牛芝士扁意粉
$118
11 浏览
0 赞好
0 留言
树熊好钟意食意粉，意粉由佢发板喇。🧱
蟹肉 · 辣肉肠蕃茄水牛芝士扁意粉
$118
6 浏览
0 赞好
0 留言
原味焗厚松饼
$62
5 浏览
0 赞好
0 留言
老实说，来到《HeSheEat》，虽然推出了好多新款特色甜品，但识食一定系食呢款原味焗厚松饼，熊妹话的。
如果无记错，原味焗厚松饼好似系盘古初开到而家都无加过价，仲系用咁实惠的价钱示人，真系难得。
呢个厚松饼🥞真系不得了！即叫即焗，热辣辣焗出黎好香牛油味，面头再加了一片薄薄的冻牛油系热松饼上面自己溶化，再出一阵咸牛油味道🧈。松饼的厚度依然，同样的价钱无比以前偷工减料，好实在的一块厚松饼，食落软绵绵类似牛油软蛋糕但又实一点，比起近期流行的梳夫厘松饼厚实好多，系两种食法，熊妹个人其实比较守旧，都系钟意原始原貌。
原味焗厚松饼
$62
151 浏览
0 赞好
0 留言
点酱未够喉？仲有一杯仔云尼拿雪糕🍨，食埋冰火交融的感觉。咁多重味觉的享受，呢个原味焗厚松饼其实真系《HeSheEat》的禾秆冚珍珠，熊妹话的。
北海道5.0牛乳软雪糕芭菲
$68
370 浏览
0 赞好
0 留言
作为抹茶婊抹茶熊，见到有呢杯抹茶雪糕芭菲真系二话不说熊冲过去食。
其实熊妹真系好钟意食雪糕，可以话系最爱的食品。《HeSheEat》新店新作风，除左保留昔日的咖啡店美食款式，仲行埋雪糕芭菲呢条路线，真系玩哂。
北海道5.0牛乳软雪糕芭菲
$68
4 浏览
0 赞好
0 留言
好！食完上层的主角牛乳雪糕，其实已经好满足，到下层芭菲杯就仲有惊喜。芭菲就系食完一层配料又会发现新一层嘅配料，跟住食吓食吓又可以将所有配料捞埋一齐食，一层一层咁食佢的滋味同惊喜。芭菲杯入面嘅配料有好多款，有卜卜米，红豆蓉，抹茶mochi，白玉，忌廉同抹茶雪糕，最后湿的配料同干的配料捞埋一齐食真系好滋味。
冻香蕉朱古力咖啡
$48
1 浏览
0 赞好
0 留言
新店再推出咗好多新嘅招牌特饮，树熊钟意饮朱古力，当然拣呢杯朱古力咖啡啦。
点解可以连一杯饮品都好似艺术品咁？个presentation真系好靓好吸引！朱古力咖啡嘅质感好creamy，唔会系沟水好稀好水，饮落去好浓郁嘅朱古力味，而好惊喜地咖啡味都几突出！好多时候饮的朱古力咖啡会朱古力味大过咖啡味，少咗朱古力撞咖啡的混合味道，而《HeSheEat》呢杯可以好分明咁开头饮到朱古力味然后咖啡味的回甘会停留喺口腔入面，究竟系用上咩配方先做到咁的效果呢？
面头仲唧咗几圈忌廉，插上一块朱古力片🍫，仲有几片香蕉片放在杯侧边作点缀，成杯冻香蕉朱古力咖啡无论颜色配搭、摆设、口感同味道都超出想像，坚系掂！
📌埋单五百几蚊，六款餐品，无论咸食甜品同冻饮都无得弹，价钱🈴理实惠，《HeSheEat》果然并非浪得虚名！👏🏻
张贴
