正宗上海生煎皇 (已結業)

又出咗去深水埗揾食，今次俾我撞上生煎包，仲要系自称「正宗上海」嘅正宗上海生煎皇，当然立刻入舖帮衬试吓有几正宗！叫咗四粒生煎包加杯冻豆浆，原先应该31蚊加10蚊共41蚊，可能系下午茶关系所以实收31蚊，其实下午茶黎讲都算几抵食。若果抵食得黎又唔系太好食咁点算？就肯定无回头啦。而呢间「正宗上海」就几肯定无回头。生煎包应该皮酥、肉香汁浓，呢度只能讲得汁多。唔敢讲自己识饮识食，曾经帮衬过「祥XX」生煎包，所以再食呢间会形容为 差天共地！呢度一试可以，可能只系唔啱本人啫。