影片
更多
2020-11-26
71 浏览
嚟过两次，试左唔同嘅嘢。上次食左2款点心，炒饭，陈醋骨同蚝油菜远。虾饺啲皮一夹就烂，馅料有肉有汁跌晒出嚟，$22有两件又唔算相当平，而且质素一般而已。 姜汁糕大路嘢，应该是交嚟嘅货。佢地嘅蚝油菜远（$38）我两次都有叫， 隐约有大地鱼的鲜美，菜心靓新鲜，但有啲油腻，无咁油会好好多。瑶柱蛋白炒饭（$88）不过不失，但好多酒楼好食过佢。陈醋骨（$128）味道不俗，但定价稍高。不少上海菜也做到类似的质素，但都只是卖$88。今次食左3样嘢。 菜远，牛筋腩捞粗同菠萝咕噜肉。今次整体比上次满意。牛筋腩捞粗（$72）很有惊喜！牛筋腩份量足，炆得好入味同稔，浓味但唔味精，牛筋胶质渗晒入个面度，面又无碱水味，好滋味！附送大地鱼汤一碗，好饮。菠萝咕噜肉（$98） 的肉排炸浆厚左啲，炸肉排稍嫌唔够香脆，但个汁同配料却很优胜。菠萝入口芳香甘甜无渣，十分美味，比主角更吸引！ 早前食过Ritz Carlton 的米芝连两星中菜天龙轩，有一味用新猪肉整的素咕噜肉（$188）。问心，小皇府的出品可同天龙轩一较高下。大家都是用新鲜菠萝，个咕噜汁大家都出色，但小皇府用的菠萝完胜天龙轩。现在堂食85折，外卖8折。两个人食
上次食左2款点心，炒饭，陈醋骨同蚝油菜远。虾饺啲皮一夹就烂，馅料有肉有汁跌晒出嚟，$22有两件又唔算相当平，而且质素一般而已。 姜汁糕大路嘢，应该是交嚟嘅货。
佢地嘅蚝油菜远（$38）我两次都有叫， 隐约有大地鱼的鲜美，菜心靓新鲜，但有啲油腻，无咁油会好好多。
瑶柱蛋白炒饭（$88）不过不失，但好多酒楼好食过佢。
陈醋骨（$128）味道不俗，但定价稍高。不少上海菜也做到类似的质素，但都只是卖$88。
今次食左3样嘢。 菜远，牛筋腩捞粗同菠萝咕噜肉。今次整体比上次满意。
牛筋腩捞粗（$72）很有惊喜！牛筋腩份量足，炆得好入味同稔，浓味但唔味精，牛筋胶质渗晒入个面度，面又无碱水味，好滋味！附送大地鱼汤一碗，好饮。
菠萝咕噜肉（$98） 的肉排炸浆厚左啲，炸肉排稍嫌唔够香脆，但个汁同配料却很优胜。菠萝入口芳香甘甜无渣，十分美味，比主角更吸引！ 早前食过Ritz Carlton 的米芝连两星中菜天龙轩，有一味用新猪肉整的素咕噜肉（$188）。问心，小皇府的出品可同天龙轩一较高下。大家都是用新鲜菠萝，个咕噜汁大家都出色，但小皇府用的菠萝完胜天龙轩。
现在堂食85折，外卖8折。两个人食一人百松蚊，食物质素却不俗。点心也许我叫唔中最好食嘅，但相信都唔系呢度嘅强项。佢地嘅小菜中价但有中上水准，面食质素佳，值得encore。
张贴
