正斗粥麵專家 (已結業)

写食评属刚起步，所以这一篇是关于较早年前的帮衬。虽然过气，但尚未消气, 仍要追击这间店。上年入冬到正斗金厨，同女友叫个唔记得鸡定排骨煲仔饭加其他点心小菜。煲仔饭等好耐至出场，由一位睇落好新人女侍应将送另碟上，然后装两碗饭。点知食落生米到非常，立即通知一个黑衫女经理，佢亦随即将煲饭收番入厨房。系佢冲入厨房后，我地发现先前装个两碗饭同碟送未处理，于是再告知一个黑衫打呔肥佬经理，佢话：”咁我收走呢两碗饭啦，你唔系叫我同你倒番落去呀吗？”，真系涨为之吹！咁岂不是因为你地厨房失误，令我煲饭份量减少？最后，之前煲饭熟返黎，但系碟送已经涷哂！埋单时候女友睇睇，居然发觉我地不单被剥削两碗煲仔饭饭，仲无故加两个白饭！取消后零贴士走，由头到尾冇道歉！服务零分，吃我一记灵丸罢啦！