三和敘

营业中

休息中

星期六约咗友人喺九龙城食lunch，行到福佬村道见到间门面好靓嘅日本餐厅。原来呢度有Weekend Late Lunch set，见menu啲嘢食几吸引就决定豪食一餐。先点咗杯红酒叹下，口感较温和易入口。季节刺身盛合有四种共六件。左口鱼裙边 - 口感爽脆赤身拖罗 - 肉质较实大拖罗 - 油脂感重，好肥美深海池鱼腩 - 味道鲜甜爽口主菜我拣咗龙虾铁板烧，龙虾虽然唔系好大只但啲肉都几多，肉质弹牙味道好鲜甜，配上切片白蘑菇一齐食好好味。伴随嘅沙律菜好清新。友人拣咗和牛铁板薄烧，和牛包住香葱等配料一齐食减轻油腻感，同埋烤面包一齐食好惹味。饭面类我拣了天妇罗饭套餐，即叫即炸热辣辣，炸粉好薄好脆，中间食物炸得啱啱好。友人拣咗迷你饭面两种，分别系炭烧鳗鱼饭同野菜稻庭鸟冬。烧鳗鱼系师傅即刻烧，味道好香，鱼肉嫩滑。野菜稻庭鸟冬味道清新最后嘅甜品系芒果芝士蛋糕，入口绵滑，芒果味好浓，超好味！舒适环境，食材新鲜，服务真诚，用心制作，小酌一杯，享受人生，与友一叙，优越餐厅。