雲南啊老表黑山羊湯鍋米綫 (已搬遷) 新店位置

见到咁多好评，收工同男友去食，间店唔太易揾，行到成身汗。一坐低叫左碗大size嘅羊肉面同男友share，仲叫左小食口水鸡同手拍青瓜 好快就有得食，闻落去已经劲香！！羊肉面好大碗好多块羊，唔骚好好味！香到忍唔到口 连佢个汤都饮左几啖口水鸡辣辣地好开胃，呢个价钱黎讲都算好多旧，有鸡翼鸡脾位，好滑好食～冷盘青瓜系必食啊！好大碟，个青瓜汁好特别，相信系特制嘅，啲醋酸酸地带点酒味，好正啊 岩晒中意食冷盘嘅我，因为个瓜同面系唔辣嘅，中意少少辣嘅我将口水鸡d汁，用黎点青瓜，又系好味！冬天一定一定要再去食啊