影片
更多
2020-02-24
318 浏览
一次无心插柳之下, 竟然发现金鱼街陈湘记原来系一个大宝库, 内里有大量玄学术数嘅书籍, 相信数量系全香港最强!买咗几本珍藏之后, 行过对面街经过风味园, 见到门口有张羊腩煲广告贴系门口, $258 蚊又唔系贵价钱吸引, 所以入去试试质素如何.帮衬风味园唔系第一次, 但系食羊腩煲就第一次.另外见到 menu 有个风味园煲仔饭, 有油鸭有瑶柱有腊味有土鱿肉饼, 一大埋头! 又叫咗一煲.表表态先, 食过几次羊腩煲, 土瓜湾神采厨房羊腩最冧, 柴湾泉记羊腩味道最香浓惹味!风味园嘅羊腩煲系两者之间! 香浓味道比柴湾失色, 但味道绝对唔系差, 羊骚味亦唔系太强.有D羊腩大件咗D, 亦有几件肥膏，食落唔够冧, 正常吧.有几件羊腩, 炆到D羊腩软骨起哂沙! 口感超正! 中意食软骨嘅食家自然会明白!另外风味园羊腩煲有一个优点, 支竹冬菇冬笋三款有齐! 一煲过有齐哂支竹羊腩煲同双冬羊腩煲！羊腩煲味道唔错之余..... 份量都极足够, 而且比想像中多!不单只羊腩煲份量足够, 连生菜都送两大棵! 饱哂! 重要食唔哂打包外卖!腐乳酱都好好味, 可惜无得打包.... 哈哈....无错, 个煲仔饭已经惨惨猪地被冷落
买咗几本珍藏之后, 行过对面街经过风味园, 见到门口有张羊腩煲广告贴系门口, $258 蚊又唔系贵价钱吸引, 所以入去试试质素如何.
帮衬风味园唔系第一次, 但系食羊腩煲就第一次.
另外见到 menu 有个风味园煲仔饭, 有油鸭有瑶柱有腊味有土鱿肉饼, 一大埋头! 又叫咗一煲.
表表态先, 食过几次羊腩煲, 土瓜湾神采厨房羊腩最冧, 柴湾泉记羊腩味道最香浓惹味!
风味园嘅羊腩煲系两者之间! 香浓味道比柴湾失色, 但味道绝对唔系差, 羊骚味亦唔系太强.
有D羊腩大件咗D, 亦有几件肥膏，食落唔够冧, 正常吧.
有几件羊腩, 炆到D羊腩软骨起哂沙! 口感超正! 中意食软骨嘅食家自然会明白!
另外风味园羊腩煲有一个优点, 支竹冬菇冬笋三款有齐! 一煲过有齐哂支竹羊腩煲同双冬羊腩煲！
羊腩煲味道唔错之余..... 份量都极足够, 而且比想像中多!
不单只羊腩煲份量足够, 连生菜都送两大棵! 饱哂! 重要食唔哂打包外卖!
腐乳酱都好好味, 可惜无得打包.... 哈哈....
无错, 个煲仔饭已经惨惨猪地被冷落一旁! 首先睇睇有无煲仔饭嘅灵魂 - 饭焦, 虽不
至于大量, 但仍然可以系煲底搜刮出嚟. 饭粒吸收咗油鸭腊味同肉饼嘅油香, 令到成煲
饭都好香好惹味.
当然..... 都系食唔哂打包啦.
睇咗几篇风味园嘅食评, 都话服务佢地差, 我好好彩, 帮衬过几次都无咩大问题, 上菜速度亦唔慢.
相信.... 哩煲系今季最后一次食嘅羊腩煲, 十个月后年尾入冬后再续前缘吧.
张贴
