影片
更多
2018-11-02
622 浏览
莆源哩个铺转咗几个老细，今次落去帮衬，又转咗装修，相信又转咗老细.中意去莆源，全因为正正门口就有电单车泊位，今晚睇完戏，咪揸车落去帮衬吓啰.企系门口见佢收10点，正想转头走，门口有位哥哥话收11点，再望望，门口大大张纸介绍羊腩煲新上巿，好，就试试哩个双冬羊腩煲！成两百几蚊羊腩煲对于我哩个穷鬼黎讲，唔系平，又睇吓咩料先！话就话羊腩煲，其实成个镬放上枱，无煲！先试试个汤底，浓郁，唔错.我食羊腩煲，好多时落嘅配料只系支竹，双冬比较少食，我口味更中意双冬，双冬即系冬菇同冬笋，而莆源嘅双冬份量都唔算少，冬菇炆得入味够冧，掂！羊腩入味唔韧够冧，有d重有骨髓，份量亦唔少，满意啦！最后，原来门口果位哥哥系老板，佢话如果羊腩煲好味的话就推介俾朋友，佢唔知我写开食评，咁我今次就推介一下啦！
中意去莆源，全因为正正门口就有电单车泊位，今晚睇完戏，咪揸车落去帮衬吓啰.
企系门口见佢收10点，正想转头走，门口有位哥哥话收11点，再望望，门口大大张纸介绍羊腩煲新上巿，好，就试试哩个双冬羊腩煲！
成两百几蚊羊腩煲对于我哩个穷鬼黎讲，唔系平，又睇吓咩料先！
话就话羊腩煲，其实成个镬放上枱，无煲！
先试试个汤底，浓郁，唔错.
我食羊腩煲，好多时落嘅配料只系支竹，双冬比较少食，我口味更中意双冬，双冬即系冬菇同冬笋，而莆源嘅双冬份量都唔算少，冬菇炆得入味够冧，掂！
羊腩入味唔韧够冧，有d重有骨髓，份量亦唔少，满意啦！
最后，原来门口果位哥哥系老板，佢话如果羊腩煲好味的话就推介俾朋友，佢唔知我写开食评，咁我今次就推介一下啦！
张贴
