火鍋撚 (日富里百好大廈) (已結業)

环境5分：台式火锅店格局，Ｄ灯笼好中国风，Ｄ画有Ｄ潮。卡位最正，全部都有屏风隔开，打边炉好舒服够空间，可以畀五分。卫生5分：枱面有煮食餐具同纸巾，仲有十一款调味料任君选择，好干净好企理，可以畀五分。服务5分：侍应生人手足，个个爽手唔啰唆，落单上菜加汤全部都好快，态度好好畀满分。味道5分：1) 双冬古法枝竹羊腩煲有笋，冬菇，腐竹，羊腩，全部分量都超级多，有成十几嚿羊腩，咬落非常嫩滑。配左唐生菜非常新鲜，索晒羊腩煲入面Ｄ汁，非常之夹。2) 莲藕片一样索晒Ｄ羊腩汁非常好食。3) 香蒜粒炸鱼皮好脆，用蒜蓉炒过零舍香口。4) 最后送杯腐竹糖水冰沙真系好特别。抵食5分：四百蚊唔使有一大煲嘅羊腩煲仲送埋生菜或者响铃，食完全身暖笠笠，冬天火锅必选，抵食一定满分。