王家沙 (已結業)

想食上海野，今次就过左黎比较出名嘅王家沙！叫左两款小笼包，苏式鲜肉小笼包同埋招牌蟹粉小笼包，鲜肉小笼包好食！蟹粉个款唔算特别！流沙奶皇包好好食！呢个好满意！一定要试，好热又流心奶皇味又重！冇得弹！呢度啲酸辣汤酸味较重，唔系好食得辣嘅人，呢碗酸辣汤应该几岩你地饮！醉鸡都算几滑，份量都算多，酒味几香！干煸四季豆味道都唔错，好大碟，份量好多！牛肉饼一般般，皮有少少厚，唔算好好冇惊喜！最后系阔佬炒饭，都Ok可以一试，炒得几干身！呢度地方都算大，好多卡位，坐得几舒服！职员服务都唔错！下次会再黎！