RBTea (裝修中)

阿仔一向有鼻敏感同气管敏感，天气一转，呢排又开学，又开始发作，有少少作感冒！呢日就带咗佢去始创中心，睇佢一向睇开嘅超好儿科医生，等佢检查吓！下昼去睇，佢又例牌多要求，话一定要去食嘢，就同咗佢去咗商场呢间店舖食Tea!2楼呢间店舖，景观都几开扬，装修有啲童话少女风，以绿色、浅啡木质为主，座位都有软垫，坐得都算舒服。明明话叫一个餐两份食，大大就坚持食两个餐。香草忌廉烟三文鱼意粉烟三文鱼味道适中，唔会太咸，意粉唔淋，都算爽口，忌廉汁好香，个汁唔会太杰身，配埋小西兰花食，感觉好健康！综合菇菌芝士薄脆我薄脆真系超级，配埋唔同嘅菇类，加埋芝士焗，一齐食，真系好好味！热新鲜水果茶水果茶由好多新鲜水果冲泡，但又唔会太甜，好重果香味，大大都好钟意饮。热柠水个柠水冇落糖都有甜味，饮完觉得清新健康。