三小漁

营业中

休息中

今日系观塘收工,约咗个同事食餐晚饭,同事带咗我去一间食中,粤式菜嘅餐厅。三小渔中菜馆,餐厅喺成业街电讯一代广场,入到去餐厅地方真系几阔落,座位嘅空间感亦都好足够,喺度食饭感觉都几舒适。坐低先点咗个陈皮普洱,职员会用热水洗干净餐具,真系好细心。普洱茶除咗有茶香,仲有少少陈皮嘅香味,饮落去又香又开胃。青麻椒安格斯牛柳粒 168元,牛柳粒摆碟好吸引,一口牛肉煎到啱啱好,食落去牛肉味好香浓好juicy,有入口即溶嘅感觉。沾小小青麻椒酱,令到牛肉嘅鲜味更加突出,又带少少麻辣香味。鲜菠萝芥末虾球 148元,虾球外层炸粉皮薄仲要炸到金黄色,食落去外面脆卜卜,入面嘅虾肉爽口弹牙非常新鲜,芥末酱同菠萝嘅香甜味,令到虾肉味道更加有层次,最底层仲有新鲜嘅菠萝,味道清香,绝佳之作。烟熏溏心蛋,黑砖豆腐。黑砖豆腐做到外脆内热加埋少少炸蒜增加风味。溏心蛋见到蛋黄有啲油香渗出嚟,经过烟熏入口特别香。法式焦糖炖蛋 58元,炖蛋面层烧到焦香入面嘅蛋仲系好幼滑, 加埋桃胶一齐食 增添口感。另外招牌甜品,桃胶炖手工菊花豆腐,首先欣赏到厨师嘅刀工,将豆腐切到好靓好幼滑,入口食到菊花嘅清香味,好顺喉又滋润。