炭火地雞

营业中

休息中

「炭火地鸡」系一间专门食到优质鸡肉与珍稀部位嘅串烧店。各种内脏同部位通通被分得超级仔细！刁钻部位例如：鸡脚筋、鸡颈、鸡心管、鸡爽肉及鸡蚝肉都齐全。除咗鸡肉，餐厅都有唔少其他肉类嘅串烧选择。师傅嘅烧烤技术出色，火候控制讲究，串烧烧得表面香脆，肉类一啲都唔干，完全锁住晒D肉汁，即叫即烧即上枱！令客人完全品尝到高水准嘅美味串烧。我同朋友叫咗好多唔同嘅串烧，特别推介嘅有：🔸熟成鸡腿肉（含鸡蚝肉）- 烧到7到分熟后，食起上嚟口感鲜嫩，肉汁饱满，外皮仲十分香脆。🔸甘口嘉美鸡全翼 - 酥脆嘅鸡翼配上惹味酱汁加持，令人食唔停口。🔸鸡软骨 - 口感十足，越咀嚼越有味，送酒啱晒！🔸鹌鹑蛋卷 - 创意特式串烧。一咬落去，鹌鹑蛋「卜」一声爆开，滋味满满。🔸明太子烧淮山 - 淮山新鲜爽口，盖上厚厚一层明太子，咸香味道交融。🔸春菊水菜沙律 - 蔬菜有独特嘅味道，清爽甘甜又开胃。枱上面嘅调味料，芥辣、柠檬同埋Wasabi非常适合串烧，有画龙点睛之效。