三代目 (港運城)

营业中

休息中

今日去开北角，想食日本嘢，见近地铁站有一间装修几靓嘅日本居酒屋，之后同朋友入去试吓。打开Menu，见到最上边两幅好靓嘅相，就叫佢哋啦。烧喜之次，冇失望，烧得香口又多肉。甲罗烧吾错，蟹膏好甜，有蟹肉仲有啲飞鱼籽系我最钟意嘅，紫菜好脆，包住啲饭同啲蟹膏一齐好好食。仲叫咗个海鲜天妇罗，新鲜炸起，唔油，我最钟意个黑松露带子，几特别。再叫多咗两串鸡软骨同一口牛。都差唔多饱，再叫咗个芝士牛丼，芝士好厚，最好食系个饭，珍珠米连埋烧汁，好易入口，一阵间就食晒成碗饭。食饱饱，卡位坐得几舒服，环境都好正，倾咗一阵偈就离开。下次再试吓佢其他嘢。