港里冰廳 (廟街)

营业中

休息中

今日喺佐敦食午餐，佐敦有好多茶餐厅，午饭时间通常都坐满，一至两个人食，系要搭枱嘅。今日发现呢间餐厅，原来单单喺佐敦，已经有两间分店，一间喺弥敦道，比较多人，而另一间喺庙街，午饭时间照样系坐满人，不过庙街呢间，会坐得比较舒适。如果一班人来，可以坐阁楼。食物方面，午餐有好多款式可以选择，腊肠排骨饭、杨州炒饭、咖喱牛腩饭等等，西式嘅有猪扒肠仔意粉、焗白汁鸡扒意粉等等。今次我两个人食，就叫咗「葡汁焗猪扒饭」同埋「咸鱼蒸肉饼饭」。好值得推介系咸鱼蒸肉饼，咸鱼好新鲜，肉饼好香滑，好有住家风味。饮品方面，好钟意佢嘅奶茶，香滑有茶味。整体食物质素高，价钱合理，午餐平均消费$60/位。