潮．悅 (始創中心)

营业中

休息中

晚上去咗太子始创中心公司聚餐，已预先订咗几围围菜，酒楼喺始创中心4楼，搭䢂上到去装修都几新，好光猛，人齐就开餐。鸿运乳猪全体，皮都脆但有少少猪酥味。上汤西澳龙虾伊面，龙虾好新鲜弹牙，味道唔咸，伊面都ok。碧绿花姿蚌片，西兰花爽脆，花姿蚌片弹牙。脆炸凤尾虾多士，炸得脆唔油腻，虾胶比较淡口。姬松茸螺头炖鸡汤，所有材料味道入晒汤中，浓郁好饮，有少少油。清蒸大沙巴龙趸，新鲜火喉啱啱好，鱼嫩滑，豉油调味合适。当红脆皮烧鸡，其实系炸鸡，有少少过火，都唔错。菜同炒饭正常都好食。