川粵小食 (已搬遷) 新店位置

平日甚少来柴湾，今日难得黎呢度探朋友，朋友就建议来呢间川粤小食食个饭。呢度平时午市主要做米线，但去到晚市就主打川式干锅，呢度既川式干锅可以自选配料，亦有一人或二人份量拣，而味道亦可以拣辣定唔辣。二人干锅可以拣三款肉同两款菜，包两碗白饭及两杯饮品。肉我地拣左猪颈肉，墨鱼丸及鸡中翼，菜就拣左薯仔同鲜冬菇，再配两杯豆浆。味道就要左小麻辣。等左约十分钟，热辣辣既川式干锅就上台了，用锡纸兜装住既干锅香味十足，除左我地拣既配料外，另外有莴笋，干辣椒同芫茜，每样配料都切到细细粒，非常易入口，干锅辣度非常惹味，越食越辣，用黎送白饭真系零舍开胃。另外，朋友极力推介呢度既口水鸡，口水鸡麻香十足，亦唔会太辣，鸡肉腌得够入味，果然无介绍错。食完干锅同口水鸡，朋友觉得唔系几够喉，所以叫多两串串烧，叫左香辣鸡肉同粟米，鸡肉烧得香脆，但唔会太干，而烧粟米亦非常香甜。总括黎讲，呢度位置相当唔显眼，而舖位亦比较细，唔系朋友介绍都唔会留意到，但口水鸡真系好好味，值得再来食。