朱敏記桑拿菜 (已結業)

今晚约咗朋友食饭，佢就车咗我去土瓜湾食呢间朱敏记桑拿菜，话系区内知名大排档，见网上好多人介绍过，想试好耐，搞到我都即刻想斯试过！「桑拿菜」即系放海鲜喺蒸架上蒸熟，但见小炒吸引，今次先试下嗌𩠌食饭～今晚嗌咗几个小炒，但我最中意食《 深海爽鱼片》同《 深海鱼肠炒菜心 》。啲鱼片真系超爽弹，份量算多，而且新鲜味香，用酱油加少少辣椒已经够提味～炒菜心同鱼肠就食得多，但配搭埋一齐就真系未试过，而且系深海鱼肠添！啲鱼肠原来烟烟韧韧几有胶质，菜心鲜嫩无渣～小炒唔错，下次试埋桑拿菜先！