小曼谷海鮮燒烤屋

营业中

休息中

一向好中意食泰菜，而食泰菜第一时间就谂起九龙城嘅小曼谷海鲜烧烤屋。 我同朋友2个人见个menu样样都好想食，最后点左：泰式鸡丝海蜇沙律，酸酸辣辣， 非常开胃，海蜇、鸡丝和青木瓜好夹。 好多海蜇，食得好满足。泰式咸鱼炒椰菜苗，爽脆，咸度同火喉都刚好。感觉上小椰菜苗好高纤维，食泰菜必叫，真系健康又好食。泰式铁板蚝饼， 上台时热辣辣， 「咋咋」声， 正！蚝仔好新鲜，松化鸡蛋配合鲜蚝，啖啖都系享受！小曼谷炒饭，有蛋包著啲饭， 上枱即蛋香扑鼻。一切开个饭，哇， 好足料， 有蟹柳、札肉、猪颈肉、虾， 好正！椰皇沙冰好香椰奶味，椰青好新鲜又大只。 菜式选择多，味道又有水准，而且份量足，食到我哋涨住肚走。