四寶食堂 (將軍澳中心)

营业中

休息中

一向都有帮衬开「四宝食堂」，最近餐厅喺将军澳中心开咗新分店，趁今日要嚟附近办事，就专登过去捧下场！新店装潢沿用品牌一贯嘅设计概念，以 Tiffany Blue 为主调，场内放置了植物及小盆栽作装饰，感觉清新舒服。嚟到刚好系午市时段，所以餐牌上嘅选择都系以套餐为主，当中包括有：精选午餐、招牌推介及经典常餐三个系列。点咗拔道腩水门鸡饭 同 XO 酱滑蛋虾球饭。鸡饭大大碟，份量十足，鸡件全部都已经去晒骨，食落肉质好嫩滑，啖啖肉，点埋随鸡饭附上嘅酱汁吃，味道不俗。至于另一客滑蛋虾球饭，卖相亦非常吸引，金黄蛋汁包围著每粒米饭，虾仁鲜度十足，肉质结实爽弹，面头嘅 XO 酱香得嚟又唔会过辣，用嚟配虾仁食真系一流！饮品点咗红豆冰、冻鸳鸯、热杏霜。红豆够腍，入口唔会过甜，可以饮到奶味；鸳鸯既有奶茶顺滑、亦有咖啡香味，有水准。杏霜带杏仁香气，入口有牛奶嘅滑溜，热度刚好。