四季椰林海南椰子雞 (MOKO新世紀廣場)

营业中

休息中

呢两日天气转凉突然间好想食火锅，去完旺角Moko行完街，经过见到有间食海南椰子鸡就入去试吓。餐牌上主要食椰子鸡为主同埋其他火锅配料，我地就点一煲试吓。原味椰子鸡汤底主要用椰子不加一滴水所以饮落好清甜，鸡肉用上海南文昌鸡，肉质鲜嫩又滑，不用黏上任何酱汁已经好好食。手打黑虎虾滑放入煲入面滚3分钟就可以食得，啖啖虾肉好爽口，新鲜竹笙竹笙爽脆吸入汤底精华超好食。中山脆鲩鱼片鲩鱼片切得好薄，轻轻滚一滚已经食得，加入少量辣椒豉油已经好惹味。金牌腊味饭冬天最好食热辣辣嘅煲仔饭，配料有腊肠、腊肉和芋头，打开改已经香喷喷，再加埋煲仔饭豉油食完好暖胃，每一啖都食到饭焦，超正！