Owl's Choux

营业中

休息中

虽然佢嘅实际卖相无餐牌嘅咁吸引，但的确几好食。原味泡芙中间夹住榛子果仁糖雪糕，再加埋麦提莎脆脆同果仁糖浆点缀，层次丰富，泡芙外脆内软，雪糕嘅口感亦都好软滑～ 海盐泡芙，香脆嘅外层布上一粒粒好似宝石矿一样嘅海盐，而馅料就系软滑嘅吉士，咬落甜中带小小清新嘅咸味，好有味觉层次。新鲜出炉嘅吉士泡芙，拎上手暖笠笠，同一般嘅泡芙唔同，佢嘅外层特别香脆，仲有啲似牛角酥，外脆内软嘅口感，好有层次，而馅料就系云呢嗱吉士，香浓软滑，个人认为呢个组合，比起雪糕泡芙更加夹，简直令人爱不释手！ 原来焦糖炖蛋同泡芙夹埋一齐系咁有惊喜！表面好脆口，入面就好creamy，加埋面头𠮶层滋味嘅焦糖炖蛋，甜而不漏、蛋味香浓，无论味觉同层次都咁丰富。