Thainan Chicken ขุนทอง

营业中

休息中

泰式酸辣猪颈肉沙律，劲钟意堆猪颈肉俾菜堆住，嗌沙律都系为咗食多啲菜姐，唔好以为佢用菜遮住就笠哂水啊，猪颈肉嘅份量都唔少架，而且腌得好入味，个泰式沙律汁集甜酸辣于一身，劲开胃。有机芦笋，出面食烧芦笋通常都系洒少少盐花，未食过烧芦笋系有酱汁嘅，𠮶个绿色嘅酱汁，甜甜地之余仲有少少青咖哩味，好特别。白猪肉肠，白猪肉肠烧得外皮微椒，微微㶶咗嘅部位十分香脆，猪肉肠本身就已经好好味，不过个人建议可以点泰式沙律𠮶个汁，会更加惹味。白鳝，白鳝用料上乘，一咬落去首先感觉到既系佢嘅新鲜弹牙，跟住白鳝嘅油脂就喺口入面倾刻爆法，爽啊。泰南鸡饭，呢度嘅泰南鸡饭同海南鸡饭好相似，都系有个有味嘅油饭，而个鸡就系点甜嘅酱油膏同埋一个酸辣汁，个油饭带有好香嘅鸡油味，净系食饭都经已够哂好味喇，而啲鸡肉就出奇咁嫩滑，真系连鸡胸都系滑架。