Lemongrass (已結業)

今日约左朋友系奥海城行街，见朋友未到就周围行吓先，见到呢间泰国食店门面介绍某些食物半价好似几吸引，又有d肚饿就入去坐低慢慢食享受吓一路食一路等朋友，睇餐牌除可以散叫外，还有午市套餐俾人选择，我叫左个泰式无骨猪手饭套餐，另外跟餐加$15要左个小食：脆炸鱿鱼软骨，加$8将饮品升级做：蓝蝶花梳打。再散叫多个：柠檬香茅鸡翼和扇贝带子。蓝蝶花梳打：未饮过，睇卖相好鲜艳，饮落酸酸甜甜，似有气利宾纳，杯内有d椰肉粒增加囗感脆炸鱿鱼软骨：爽脆弹牙，入口大细刚刚好，本身已经好够味，唔使点泰式酸甜酱已好好味泰式无骨猪手饭：今日个汤系红萝白粟米汤，唔似例汤沟水，入囗几浓，讲返个猪手，唔点个泰式酱试吓原汁原味先，入囗唔使用力咬肉质软腍，而且好入味，猪手底还有菜心和上海咸菜（雪里红）垫底，味道咸咸甜甜送饭几好柠檬香茅鸡翼：睇见就即刻想食，入口皮脆肉嫰，有淡淡香茅味，鸡肉好入味扇贝带子：加上溶左既牛油、蒜蓉和肉汁一齐食，鲜甜弹牙，正！食完晒所有嘢饮返杯蓝蝶花梳打，即刻热气全消所有食物唔使点任何酱，本身味道已经足够，不过想多d泰式风味都可以试吓点酱