喜棧 (已結業)

今晚去左揾阿哥阿嫂，系大埔行左一阵都唔知食咩好，行行吓就见到喜栈，咁就入去坐底左，店内有不少晚市套餐，我地就拣左鱼香茄子、菠萝咕噜肉、豉汁蒸黄立仓同云吞面，黎到后貌相唔错，上菜速度都好快，茄子劲入味之余仲好有咸鱼香味，肉碎更是入味之最，用黎送饭食真系一绝；另菠萝咕噜肉就甜甜酸酸，肉块表面既炸粉又唔会过多，食起上黎真系食到肉香；豉汁蒸黄立仓则蒸到刚刚好，劲滑又啖啖肉，最岩就系我呢d怕鱼骨既人，同时个豉汁又唔会过咸，鲜味十足，我阿哥都食到猛话正；而我阿嫂最钟意既云吞面都好好味，云吞劲爽口，面质又弹牙，汤底仲好鲜甜；总括黎讲水平都几高，相信会再次帮衬！