金子半之助 (奧海城二期)

营业中

休息中

今日同朋友黎到奥运，知道奥海城出名好多好野食，我地都好中意天妇罗🍤，今次就试一试几出名既「今子半之助」。餐厅设计非常日式，而且环境好干净整理，灯光鲜明柔和，同朋友都坐得好舒服，无焗促感。✨松叶蟹天丼 $158我点左一个最出名既松叶蟹天丼，入边系有松叶蟹、海老、小柱鱿鱼天妇罗饼、荚豌豆、海苔及温泉蛋，而套餐亦都包含咗渍物同面豉汤，非常开胃；首先炸物面衣炸得香脆，唔会太油腻，松叶蟹同海老虽然炸过，但亦食到鲜味，小柱鱿鱼更加系弹牙同清新，值得一赞嘅仲有海苔，好爽脆，调味又啱啱好，我好中意，再配合半熟嘅温泉蛋，蛋浆将天妇罗同饭大幅升华。✨上天丼 $118朋友点左上天丼，入边有赤甘鲷、海老、小柱鱿鱼天妇罗饼、荚豌豆、海苔及温泉蛋；最唔同就系赤甘鲷，因为做天妇罗可以话系2种享受，除左入口香酥脆身，而鱼肉肉质更为鲜甜同有弹性，一试难忘。值得留意既系天丼既天妇罗唔算好脆口，因为传统做法既天丼会把新鲜炸起的食材放上饭面，然后再均匀淋上天丼酱汁，目的系要每件天妇罗都能沾上酱汁。所以天丼既天妇罗并唔似一般天妇罗咁脆口，而追求既系每件天妇罗都能适量沾有酱汁。而金子半之助使用古早秘传酱汁，更能重现江户时代风味。