影片
更多
2014-09-12
5094 浏览
今次补番1月既食评每年一月, 我都会同一众食食食好友举办一次烤全羊活动, 今次人材济济, 相约50位朋友一起到西环水街巴依餐厅包场活动!提下大家, 若果想食烤全羊, 当然要预订位同留食物, 烤全羊系超大只既, 老板娘话要睇来货, 一般25至40几磅不等. 不计食其它𩠌菜. 一只25磅既羊都要17 18 人先食得哂, 所以大家约人数要留意!讲番环境, 系有新疆既感觉, 除左有一张张吾同杂志介绍巴依既海报外, 仲会有一块好大既绒布里面绣左近新疆既地图, 制作精美, 场同柱之外亦会有一D晒干左既粟米同洋葱做装饰, 气氛不错, 坐位都是一张张木制既长枱同长櫈, 感觉良好.不过冷气吾够, 若果夏天去可能有少少热老板娘都有心机解释每味𩠌既特别, 同不是会同作为搞手既我吹水.其实待应亦都有礼价钱方面: 羊断磅计, 一磅100蚊. 而小食好似青瓜之类大慨在40至50蚊, 正常𩠌菜例如手撕鸡, 手抓羊大慨60至80蚊, 都算平食物方面:由于今年4X磅大羊冇, 所以叫左两只2X磅羊两只羊需要两个壮丁先拎到出黎, 场面装观,传来阵阵羊SO 味且吾同既香料味, 令人流口水!你可见到羊身烧到金黄而且睇得出皮十分
每年一月, 我都会同一众食食食好友举办一次烤全羊活动, 今次人材济济, 相约50位朋友一起到西环水街巴依餐厅包场活动!
提下大家, 若果想食烤全羊, 当然要预订位同留食物, 烤全羊系超大只既, 老板娘话要睇来货, 一般25至40几磅不等. 不计食其它𩠌菜. 一只25磅既羊都要17 18 人先食得哂, 所以大家约人数要留意!
讲番环境, 系有新疆既感觉, 除左有一张张吾同杂志介绍巴依既海报外, 仲会有一块好大既绒布里面绣左近新疆既地图, 制作精美, 场同柱之外亦会有一D晒干左既粟米同洋葱做装饰, 气氛不错, 坐位都是一张张木制既长枱同长櫈, 感觉良好.不过冷气吾够, 若果夏天去可能有少少热
老板娘都有心机解释每味𩠌既特别, 同不是会同作为搞手既我吹水.其实待应亦都有礼
价钱方面: 羊断磅计, 一磅100蚊. 而小食好似青瓜之类大慨在40至50蚊, 正常𩠌菜例如手撕鸡, 手抓羊大慨60至80蚊, 都算平
食物方面:由于今年4X磅大羊冇, 所以叫左两只2X磅羊
两只羊需要两个壮丁先拎到出黎, 场面装观,传来阵阵羊SO 味且吾同既香料味, 令人流口水!你可见到羊身烧到金黄而且睇得出皮十分脆, 而且颜色平均, 知道落左吾少功夫! 大家影完相后, 壮丁就拎番入去切羊斩件. (据悉羊通常来自澳州, 2X磅呢D细羊通常SO味比较少, 虽然我觉得已好足够, 而大羊系十分十分SO但有D好羊者会十分喜爱)
两只羊切成左6大盆肉, 近羊脾位, 羊背位, 羊腩位各两盆, 我只影左羊腩部位, 羊腩部位脂肪同瘦肉成64之比, 一咬落去充满住香料, 同羊脂味. 十分可口. 而且烧得平均既羊皮十分脆口大慨有1MM厚, 一咬落去卜一声, 连埋油脂同肉, 口感一流!!! 而羊背系比较烟UN, 因为背部多肌肉, 而且羊味比较浓烈, 适合钟意咬口感既朋友! 羊脾位置就口感脂肪平均, 羊脾骨附近会有特别多骨胶原, 令到咬落去比较弹牙软身, 味道不错! 其实我觉得烤全羊最重要系𠮶D香料落得够适中而且烧时候火候控制好紧要, 因为羊身十分大, 要烧到内外平均系好考功夫, 所以我同友人都对烤全羊十分满意
接下来羊肉汤, 超香超浓羊肉味, 虽然冇乜肉在入面, 但FEEL到用羊肉羊骨煲左好耐既老火汤甘, 饮完即时暖身, 正!
两味小食分别系拍青瓜同麻辣羊肉丝, 拍青瓜味道清新, 有少少蕃茄萝白咩葱吊味, 系食肉同肉之间既中途站, 麻辣羊肉丝口感好烟UN, 除左有青瓜薯白丝之外, 应该仲有少少羊内脏同羊肉, 所以口感弹牙烟口几得意
羊肉生菜包: 用羊肉粒, 洋葱同萝白粒整成既生菜包, 同平时泰国同上海菜既生菜包食法一样, 羊肉口感味浓多汁, 洋葱萝白可以僻左少少羊SO味, 配以生菜, 加上类似北京田鸭既甜酸酱, 味道清新可口,
手抓羊: 一个字, 好好味!, 系除左烤之外呢一个整法, 比较似生焯既整法, 香料较少, 食得出用羊比较多脂肪既部位, 羊脂同羊肉色泽分明, 而羊脂今次比较弹牙连埋肉一咬落去口感十分有嚼劲, 呢味菜由于少香料, 所以主要系食佢既纯羊肉味, 所以喜欢羊味既朋友不要错过!
凉伴豆腐, 冻食 外表特别, 应该系用倒模整成一间一间既模样, 豆腐清香, 咬落去质感比较丰富!配以紫菜丝同葱花, 加上碟下既类似豉油既酱汁吊味, 味道不错
最后呢个手撕鸡,冻食味道都算不错.鸡肉应该系用佢既自家制酱汁腌过, 而鸡肉比较烟UN, 咬落去比较JUICY 充满住酱汁.总括而言, 我地各位都十分满意! 期待下次再去.
题外话/补充资料：
若果预留烤全羊或羊脾, 要留意中数系咪真系食得哂
(以上食记乃用户个人意见 , 并不代表OpenRice之观点。)
张贴
