金泰子泰國餐廳 (已搬遷) 新店位置

去食泰国野无谂过会食到美味牛腩~话说好耐无去揾食，放工同个朋友去太子附近行左阵就去左揾食，就见到金泰子。我地叫左海鲜冬荫工，竟然有八爪鱼脚，而且酸辣适中，个晚冻冻地，系几开胃。我地仲有个炒河，本身都几好，一捞左旁边d辣椒就辣到喊左，整体不过不失啦。重点来了，是咖哩牛腩。叫个时我地要青咖哩，但黎左个样无青色，不过是但啦，太饿，照食。食左够筋，大叫，好好味呀。个筋好滑好林，又无渣。咖哩微辣而椰香味重，适合捞河捞饭。最后其实唔平，连埋个肉碎生菜包，埋单差不多400，但个牛腩份量多，其实一人一个饭加个冬荫工都够的了。