牡蠣酒場 (已結業)

今日放假去咗铜锣湾行街,行完街谂住喺附近揾啲嘢食,朋友极力推介去咗一间蚝吧,入面啲生蚝同埋刺身都好好味值得推介。牡蛎酒场, 湾仔谢斐道535号tower 535 1楼,餐厅环境整洁,地方阔落,感觉好舒适。岩手広田湾 118元生蚝size好大,入口蚝味香浓,蚝身饱满,口感好creamy。长崎县五岛列岛 98元 生蚝好新鲜,海水味偏重,比较爽口。海胆忌廉意大利面 198元意大利面配上海胆味道真系好特别,将海胆嘅鲜味融合喺意大利粉入面,味道层次丰富,鲜味突出。烧牛柳沙律158元牛柳份量好多,牛肉味香浓,配上沙律酱味道带一点清新,特别开胃好味。胡麻油甘鱼刺身 98元油甘鱼好肥味味道新鲜,入口淡淡鱼油嘅香味,加上开胃醒神嘅胡麻油洋葱芝麻增添味道层次口感鲜明。天妇罗明太子口感非常特别,用紫苏叶包著明太子,炸到外面金黄色,入口非常香脆,口感同味道配搭得啱啱好。汁烧鳗鱼鳗鱼非常肥美烧到啱啱好,加埋啲鳗鱼汁令味道更丰富, 入口阵阵鱼油香味。