青花汾

营业中

休息中

今日喺中环街市逛逛街，发现翻身后嘅中环街市入边有好多特色商店，仲有好多餐厅同小食店。今日想食中菜，所以拣咗上海菜嘅餐厅，店名好特别，叫做「青花汾」。首先，叫咗一笼「小笼包」，皮薄馅靓，热辣辣，即叫即蒸，一啖食落口，入面有香浓嘅汤汁，非常推介，绝对可以媲美其他高级上海菜餐厅。接著，叫咗一份「口水鸡」，微辣，而且辣椒油嘅味道非常香口，鸡肉非常鲜嫩，而且仲好大碟，好抵食。仲有「糖醋排骨」，配合新鲜嫩滑嘅排骨，非常好味。另外，「咕噜鱼块」, 酸酸甜甜嘅酱油，已经去骨，方便食用，鱼块非常新鲜及软滑。最后，食埋个拉面，已经好饱。饮品方面，我拣左热豆浆，豆浆味道非常出色，充满浓郁嘅黄豆味，非常新鲜，又唔会太甜。