豊勝手丼 (已搬遷) 新店位置

之前经过餐厅，经常都见到大排长龙，谂好咗揾日一定要过嚟试吓，呢日一早就同朋友出去餐厅朝圣，幸运地唔驶排队就入到去。餐厅装修充满日式风情。睇完餐牌之后，决定同朋友1人1个丼，朋友叫咗北海蟹丼，里面有劲多松叶蟹肉、松叶蟹脚、松叶蟹钳、味噌蟹羔同蟹籽，分开食就可以试到每款食材嘅独有鲜味，捞埋一齐食，就令味道升华，每啖都系鲜味，好满足。因为好耐无食和牛，所以我就叫咗火灸鹿儿岛和牛丼，和牛经烧烤后，食落油润，充满油脂香，难得佢肉味好浓! 另外，配上菇类同蔬菜同食，中和了油腻感，令整体感觉更平衡，唔错! 每款丼都跟咗前菜、配料及味噌汤; 前茶系冻豆腐配千岛酱汁，配料系螺肉，而味噌汤就加咗豆腐，饮落唔会过咸。餐厅免费提供寿司饭，朋友唔够食，额外叫咗1碗饭捞𩠌食，最后大家都食到饱晒先离开。