大壹燒鵝 (MOSTown Street新港城中心大街(3期))

营业中

休息中

今日原本系去表嫂家食晚饭，点知佢话要偷懒，唔想煮，于是就落街食。表嫂话这间以烧鹅为主打的餐厅系新开嘅，估唔到闲日都好多人排队等位食饭，证明这区都好多「无饭」家庭。我地叫咗4个𩠌，都几有水准。半只大壹烧鹅 - 果然系招牌菜! 肉质唔干身，一咬即爆汁，皮脆肥膏少，份量都几大。拔丝咕噜肉 - 有诚意! 肉质有点似梅头猪扒，菠萝并非普通罐头菠萝，仲几粒有酸荞头。香煎墨鱼饼 - 好香呀! 好香墨鱼味，混合了切小粒嘅墨鱼，所以有些口感，加甜酸酱食更好味。鱼香茄子煲 - 有料到! 呢款送饭一流的菜式，食完煲底唔系成氹油，做到恰到好处，大厨好叻呀!我地食完饭都差唔多9点，都仲有人系门口排队，好犀利!