新泰東南亞餐廳 (興旺閣)

营业中

休息中

今日喺湾仔揾食，入到呢条街，发现有几间餐厅，其中一间泰国菜装修好有泰国风味，装修精致、座位宽敞，于是就入去食个午餐。两个人食午餐，叫嘅款式唔会太多，主要拣啲小食，希望是几款唔同嘅菜式。第一味系「羊肉串烧」，平时串烧就食得多，一般都系猪肉牛肉或者鸡肉，今次呢度有羊肉串烧，非常特别，羊肉厚切大大件，食入口好嫩滑，仲有炭烧嘅香味，再配合沙嗲酱，充满泰式风味，非常推介。接着，叫咗一锅「肉骨茶」，份量啱啱好两个人，肉骨茶汤底非常浓郁，而汤入面有好多配料，包括好香滑、好鲜味嘅排骨。仲有「马拉盏炒通菜」，「南瓜海鲜焗饭」，全都好惹味，好抵食。饮品方面，非常推介「椰青沙冰」，用新鲜椰青制成沙冰，非常清甜可口，非常解渴，而且大大杯，好抵饮。