尚夢・茳煳 (已結業)

上次嚟食过佢哋嘅豉油鸡 觉得好味😋而且lunch set有汤、腌菜、主食、甜品性价比几高所以今次嚟试吓其他美食同埋哩度环境有格调 适合约会倾偈食饭🔸汤品：鱼翅瓜汤汤煲得够火喉，瓜清甜，有排骨嘅肉香，加上有个炉仔座热住，好饮！🔸山城口水鸡（$118）鸡煮得刚刚好，就算胸位都唔会好鞋口，鸡皮又爽弹，酱汁咸咸地有蒜香同醋香，辣度较微，口味大众化。🔸八宝荷叶饭（$128）哩个有惊喜！荷叶香气好明显，材料丰富，有虾、香菇、瑶柱、咸蛋黄等海味，饭吸收哂荷叶、海味、酱油嘅味，而且粒粒分明，好好食！！🔸桂花糕好清甜、好香，味道少甜，清爽好食！👍🏻另外佢哋嘅咖啡都好好饮，又香浓又滑！