蛇王燊

营业中

休息中

每年天气转冻，都会嚟呢间蛇王燊食煲仔饭同蛇羹。朝早一起身，温度跌到11度，所以收工就走咗去食蛇羮。一去到见到menu啲嘢食同旧年一样,价钱只系加咗几蚊，还可以接受。于是乎就叫咗个B餐，有些蛇汤、蛇羹同田鸡煲仔饭，另外再嗌左一杯蛇酒。舖头有柠檬叶重一啲脆脆，加埋落蛇羹𠮶度食一流，蛇羹啖啖肉，非常满足。田鸡煲仔饭入边加咗少少姜，食起上嚟非常好味，而且田鸡肉好弹牙，非常推荐。杯蛇酒系老板独家秘方酿制，入边加咗蛇胆，三十几蚊唔算贵，大家黎到可以试下。最后饮埋碗蛇汤，成个冬天都唔怕冻。