Espuma (M88)

营业中

休息中

考完mid-term紧系要同班fd去食好野慰劳下自己! 今次就去左中环呢间Espuma食西班牙菜。去到唔驶等好耐就有位，坐低发觉餐厅气氛好好，环境舒服。热既招牌水果茶叫左无几耐就到。一壶水果茶下面有蜡烛热住，所以唔惊冻左唔好饮。水果茶味道唔错，酸酸甜甜，系唔错既饮品选择蜡烛自己熄左，服务员都好细心留意到帮我点番著。炸鱼柳配厚切薯条个卖相几好，原本以为份量一般，但黎到先知呢个炸鱼柳配厚切薯条都好大份，成班fd share就岩岩好。炸鱼柳个食落唔会好多粉，入面既鱼肉仲好滑。而厚切薯条炸得好脆，热辣辣，配埋茄汁食真系唔错。麻辣香肠薄饼有好多芝士，但系薄饼既麻辣真系唔太岩唔系好食得辣既我。开头食第一啖，辣味系可以接受，慢慢麻辣就开始黎，最后仲要狂饮水。中意食辣既朋友应该会中意呢个薄饼。烤美国西冷牛扒伴薯蓉既西冷牛扒煎得唔错，食落仲好juicy。个汁都好好味，配埋薯蓉一齐食简直一流。食到最尾紧系要食番个甜品啦!我地叫左日本抹茶麻糬窝夫配雪糕，日本抹茶麻糬窝夫外脆入面烟韧，抹茶唔会太甜，怕甜既朋友都可以试试呢款甜品。旁边有抹茶cream同红豆蓉俾人配抹茶麻糬窝夫食，两种都好match个窝夫。