嚐越 (已結業)

阿囡今晚话想出街食，于是我地两公婆就去咗阿囡公司附近嘅德福商场边行边睇吓有咩好食 行行吓阿囡就到，于是我地就齐齐睇吓有咩啱食，就后就拣咗呢间餐厅 入到去坐低后就见到呢个牌，咁有半价就梗系要试试，于是就叫咗半只嚟试吓 送嚟时个样都几靓，份量唔算少，食落皮脆肉嫩，咬落仲有鲜甜嘅肉汁，滑溜之余亦好入味，厨师调味及厨艺确系有一定水准，另外南乳酱汁亦十分美味，不会太咸外更带点甜，我最为喜爱，单食或送饭食都系一流 赞！阿囡亦叫左水晶软壳蟹米卷，味道咸香得宜，软壳蟹炸得香脆可口，米卷软糯清香，加上甜甜酸酸的酱汁下，尤觉滋味无穷 老公就拣咗咖哩面包虾，有成几只大虾，仲有青椒、红椒同翠肉瓜，面包更吸收晒啲咖喱汁，轻咬虾肉又爽又弹又滑，而蔬菜也很爽口，食起来层次丰足又够饱，啱晒钟意海鲜又钟意食面包嘅老公大人 之后阿囡仲叫咗个原个菠萝咖哩海鲜炒饭，呢个饭份量十足，有成6至7碗饭咁多，入面仲有带子、鲜虾、蟹肉、菠萝、扎肉、提子干同鲜菠萝粒，食落鲜香十足，而且仲有2大只劲爽口大虾，真系几好食 一轮食食之后就被我地大食一家扫清光，呢餐几好食，又坐得舒服，唔错唔错