Hungry Monkey (金朝陽中心二期 - Midtown)

营业中

休息中

网上见到无x开仓，就喺第一日即刻去，点知原来卖嘅物品系平时都唔会买嘅嘢，5分钟就走人。既然买唔到嘢就食返餐好嘅，行咗去登龙街揾食，谂住街尾行返上街头睇吓有咩食，行到街中间就见到之前喺对面车仔排队时留意到嘅一间餐厅-Hungry Monkey，唔知系咪因为自己都系Monkey就当下就入咗嚟试吓。呢间Hungry Monkey主打铁板烧，点咗嘅食物包埋：- 蕃茄沙律- 南非鲍鱼- 蛏子- 松叶蟹肉海胆炒饭- 蚝- 芝士年糕蕃茄沙律唔知系咪做紧推广，我见每一枱客人都推介一下，试咗又觉得个蕃茄沙律酸酸地几开胃，无拣错。蛏子加咗炸蒜粒，食落好惹味。南非鲍鱼够哂新鲜，好弹牙。蚝就好鲜味，而且仲好大只。芝士年糕两面都煎到金黄色，食落外脆内软。松叶蟹肉海胆炒饭选用咗珍珠米，食落每一啖都好烟韧。值得一提呢度嘅职员服务态度好好，会同食客讲笑有互动。