花斑茶社 (Smithfield Walk) (已結業)

去过花斑茶社嘅尖沙咀同北角分店，第一次嚟西环分店，都容易揾，一出c出口行一两分钟就到。 依家分店人头涌涌，要排一阵队order，好受欢迎👍。叫咗期间限定嘅黑糖珍珠厚鲜奶岩盐，呢款想试好耐，见到广告牌好吸引。呢款系固定糖固定冰， 饮落奶味好滑溜，有黑糖嘅香甜，试真啲仲有咸咸哋嘅盐味⭐。另一杯试下黑糖珍珠乌龙奶茶，茶味好出，乌龙茶够甘香，配上弹牙嘅珍珠，好好饮。店员仲送咗一包口罩畀我，真系好窝心❤️。