Franape Bar & Restaurant (已結業)

今日又出动揾嘢食，去咗太子警署附近酒吧集结嘅地方。酒吧以前主要都系提供啤酒同埋一啲送酒小食既地方，好多酒吧衣家为咗经营就做埋西餐，唔好睇少呢啲酒吧做出嚟嘅西餐，有好多系有中档餐厅嘅水准甚至比佢哋做得更加好。今次拣咗一间食评唔错嘅酒吧，佢哋主打除咗特色嘅菜西餐之外，仲有就系佢哋买嘅手工啤酒 来自世界各地。同朋友两个人，都唔食得太多，叫咗个慢煮澳洲牛肋骨伴花生忌廉，仲有一个食评唔错嘅鸭腿珍宝珠，仲有一个几有特色嘅三文鱼脆脆卷，最后当然点左佢哋嘅手工啤酒啦。要一提嘅就系佢哋嘅手工啤酒，种类非常之多，而且店主非常之有心思，标明每一种啤酒嘅麦味浓度同埋酒花香味有几重，对于我哋呢啲唔系成日饮酒嘅人，非常之清楚。鸭腿珍宝珠卖相好靓仔，香滑薯蓉包住一啲鸭腿丝去炸好香口好惹味，如果鸭腿丝嘅份量能够再多啲就好喇。三文鱼脆脆卷个外皮非常之香脆，送酒小食一流。佢个慢煮牛肋骨个汁非常之特别，系花生忌廉，好味道，牛肋骨肉质好淋，不过就略嫌有少少干身，最可惜就系个汁嘅份量太少，得面头一层，如果能够畀番多啲汁就更加好味啦。咁多样嘢最欣赏嘅都系佢嘅手工啤酒，不愧为一间吧，我叫咗一个麦味唔系好重但花香味重嘅选择，同个酒